Mintegia uztailaren 3an izango da, eta belaunaldi-arteko elkartasuna ikuspegi berritzaile batetik sustatzeko formulak eta ideiak landuko ditu, Aniztasun, Bizikidetza eta Belaunaldi-arteko Elkartasunerako zuzendaria den Txema Ezkerraren partaidetzarekin.
Bizitza-Luzetasunerako Berrikuntzaren Euro-Polo Proiektuak (NEXT-CARE), Bizitza Beterako Laguntzen Zuzendaritzak (Ongizate, Gazteria eta Erronka Demografikoaren Eusko Jaurlaritzako Saila) zuzendua dagoena eta Next Generation funtsen bitartez finantzatuta dagoena, ekainaren 3an online mintegi berri bat ospatuko du, belaunaldi-arteko elkartasuna ardatz izango duena. Topaketa hau NEXT-CARE 2025 proiektuaren mintegien zikloaren parte da, eta Euskadi, Nafarroa, Akitania Berria eta Okzitaniako eskualdeetako belaunaldi-arteko elkartasunari laguntzeko zerbitzuak diseinatzen lagunduko duten proposamenak eta ideiak sortzea du helburu.
Mintegian Txema Ezkerrak, Aniztasun, Bizikidetza eta Belaunaldien arteko Elkartasuneko zuzendariak, hartuko du parte, eta irekiera-hitzaldia emango du, belaunaldi-arteko elkartasunaren testuinguruan, lan-ildo nagusietan eta inplikatutako eragileetan oinarrituta. Horrez gain, esperientzia aitzindariak, oraindik garatu gabe dauden arloak eta egungo eztabaidarako gako diren ideiak jorratuko dira. Landuko diren gaien artean, nabarmentzekoak dira ekoizpen-sarea eta erakundeak inplikatzeko beharra belaunaldi-arteko ezagutza eta esperientzia transmititzeko, baita adinekoek prozesu horretan izan behar duten zeregin aktiboa ere.
Aurreko edizioetan bezala, mintegian parte-hartze tailer bat egingo da, lan-taldeetan antolatua. Formatu honek ideiak elkarlanean sortzea sustatu nahi du, eragile publiko, pribatu eta sozialen artean.
Mintegia 10.00etan hasiko da, eta bi orduko iraupena izango du, online formatuan. Sarrera doakoa da, baina plazak mugatuak dira. Parte hartu nahi dutenek honako esteka honetan eman dezakete izena:
NEXT-CARE proiektua (https://www.next-care.eu/)
Bizitza-Luzetasunerako Berrikuntzaren Euro-Polo Proiektuak (NEXT-CARE), Bizitza Beterako Laguntzen Zuzendaritzak (Ongizate, Gazteria eta Erronka Demografikoaren Eusko Jaurlaritzako Saila) zuzendua dagoenak eta Next Generation funtsen bitartez finantzatuta dagoenak, mugaz gaindiko ezagutza eta ikaskuntza-espazio bat bultzatzeko helburu orokorra du, bizitza-luzetasunean berrikuntza eta politika publikoak bultzatzeko Euskadi, Nafarroa, Akitania Berria eta Okzitanian.
Proiektuaren onuradun nagusiak mendekotasun-egoeran dauden adinekoak, arlo soziosanitarioko profesionalak, gizarte eta osasun-politiken kudeatzaileak, eta etxez etxeko zaintzaileei, egoitza-zentroei eta zaintza komunitarioei lotutako erakundeen (sozialak eta pribatuak) kudeatzaileak dira.
NEXT-CARE proiektuak planteatzen dituen ekintza zehatzen artean hauek nabarmentzen dira:
- NEXT CARE eskualdeetan bizitza-luzetasuna berritzeko NEXT-CARE Sarea sortzea, bizitza-luzetasuna berritzeko jardunbide egokien mapak eginez eta mugaz gaindiko ikaskuntza-sareak garatuz, baita mintegiak eta ikaskuntza bisitak eginez.
- Etorkizuneko NEXT CARE Behatokia sortzea, NEXT CARE eskualdeetako politika eta esperientzia berritzaileei buruzko azterketa konparatuak egiteko, joerak aztertzeko eta eskualde horietako bizitza-luzetasunaren etorkizuneko diseinuaren inguruko azterlanak egiteko.
- Emaitzak komunikatzeko eta zabaltzeko lan sutsua egitea mugaz gaindiko topaketa eta mintegien bidez.
Harremanetarako: project@next-care.eu